2011年4月30日 星期六

文華雞飯(新加坡)@山林道


2011年4月30日,星期六


雖然放完復活節,但放假心情仍然高漲!好在仲有五一勞動節,又有一連3日假!


不過今日天氣唔多好,好在無落雨,我地一家hea到成2點幾先出去搵野食.....本來想去試下山林道好隱蔽既TT party,但係已經無lunch menu, tea menu又唔多夠飽,所以決定下次先試...但實在太肚餓,於是見到呢間文華雞飯(新加坡)散發出黎既陣陣海南雞飯香氣就決定入去試下~



呢個時間都有幾檯客,職員亦在落場用膳,但係仍然服務殷勤,主動拎出BB椅!


吳爸爸當然係叫海南雞飯,仲加$7試下肉骨茶!


估唔到個肉骨菜好好味喎,好香濃,唔錯!



海南雞飯都幾好,雞非常滑,飯亦好味....如果同好時比,老公就覺得好時係雞肉上略勝一疇,而飯就呢間比較好味...



仲有最重要既3色醬,我個人鐘意好時既多少少~



而我就叫左碗喇沙米粉,湯底唔錯,唔算辣但好惹味!


囡囡兩樣都食唔少,又飯又米粉,仲要不停將雞肉點醬食,識食得佢呀~~



我就要左杯胚芽奶茶,都算OK...呢餐$88,都食得幾滿意!



2011年4月28日 星期四

0428的晚餐 ~ 冬瓜豆干粉絲湯 冬菇蒸雞 煎魚


2011年4月28日,星期四


假期後遺症又出現,就係唔想煮飯啦!


假期後首個工作天我放工去左做彩光脫毛和多極光學滅脂療程(抽中的,所以免費),然後第二天和老公的朋友吃晚飯,到第3天才煮飯呢!



現在多了囡囡,我可以煮多點魚吃,真好!


雞當然就是給吳爸爸吃的~


想吃冬瓜,就用來放湯吃....


今天這餐花了大約30元,還可以啦~


2011年4月25日 星期一

Parkview@Shatin


2011年4月25日,星期一


係公園玩完已經差不多6點,決定於沙田吃完晚飯才回家~


今次去試下Parkview,好快就有位(隔離間pokka就排長龍)...不過囡囡無瞓到晏覺,係公園玩完已經無電,結果未入座就已經瞓左!


既然如此,我同吳爸爸也樂於慢慢嘆!不過今餐嘆既係我,因為囡囡係瞓左係爸爸身上,吳爸爸就食得論盡少少啦!



洋蔥湯



吳爸爸既漢堡扒飯


我既溫泉蛋煙肉天使麵


仲有甜品Tiramisu


價錢唔算貴,食物味道亦可以....最後我地食完起身走,囡囡先醒...好在我一早留起左餐包俾佢,返到屋企再係樓下買d野俾佢食...就係咁玩盡一連4日既復活節!


2011年4月24日 星期日

長洲復活遊 ~ 日出篇


曾經同老公講話想比囡囡早起身出去長洲行個圈影下相...不過想同做永遠都係有距離!好明顯我係起唔到身啦,哈哈哈!


話說我瞓瞓下老公拍我,叫我起身陪佢出去....我正值半夢半醒,見個天都未光就擰下個頭繼續陪周公去...


過左唔知幾耐,我知道老公番左黎而且又再上床瞓過....


到我真係醒之時已經係差唔多10點....原來老公係叫我去睇日出!



唉,睇日出唔早d講,早知我就起身陪佢一齊睇啦!


老公話如果我起到身就會同我係露台睇,見我繼續瞓,咁佢就自己落左沙灘睇勒!



睇番老公影既相,個日出又真係幾靚喎!最衰我起唔到身啦,唔係可以同老公浪漫下....


宜家就俾左個機會d長洲婆婆同老公一齊睇日出,哈哈~


2011年4月23日 星期六

長洲復活遊 ~ 玩樂篇 - 東灣沙灘


我們很少帶囡囡去沙灘玩,記憶中只去過2次,而且她仍然處於怕沙階段!


這天吃完小食便打算回酒店休息,由於天氣天陰有雨,東灣沙灘也有點大風,所以我們都沒打算帶囡囡去玩沙!不過回程路上冷不防囡囡竟然主動提出落沙灘,於是就拖著囡囡漫步沙灘了!



囡囡果然長大了,踏在沙灘上已經不再害怕,而且非常好奇!


最後更忍不住要脫下鞋子,赤腳踏在沙灘上,享受著迎面吹來的海風!


就這樣成了今年的下沙禮!



由於海風實在太大,囡囡的小手也開始凍了,我們便回酒店去!


幸好,第二天醒來,天朗氣清!在房間看到水清沙幼的東灣沙灘就有種想立即去玩的衝動!囡囡換好泳衣,準備好水泡,就已經急不及待說要去沙灘!心急程度是和吳爸爸先行,我還要再執拾一下才能出門呢....


據吳爸爸描述,一路上囡囡都極度興奮,每見到酒店的房務員就說自己現在要去沙灘玩,好風騷!人家問她會不會驚,她還拍晒心口話唔驚架!



不過沒多久,囡囡就給海浪嚇怕了!首先就是不太敢靠近海浪,浪花湧來她就後退...及後我們用水泡引她,可是卻給海浪令她失去平衡跌在濕沙上...就此令下水禮失敗!



於是我們便退回沙灘上讓囡囡玩沙了!


玩了一會,由於太陽太猛烈,加上也差不多時間要退房了...


所以就拍張合照離開沙灘啦!


 


長洲復活遊 ~ 美食篇 - 洲啤工房


另一人氣小食店是這間洲啤工房!


巨薯棒,冰果葫蘆和平安冰糕包都是其特色小食!



有多種味粉可供選擇,但大家都是把所有口味一一灑上!!



排隊之時發現店前有隻很有性格的貓!牠定定的坐在人來人往的人龍旁,動也不動...任遊人如何逗弄,還是擺出很cool的樣子!囡囡也無佢乎!



那麼獨特造型的巨薯棒,當然惹得囡囡雀雀欲試!可能吳爸爸下了太多味粉,太鹹了!感覺像吃薯片一樣,但比薯片厚身一點...幾得意!



我都要同小食影番張合照先!



吃完巨薯棒就到冰果葫蘆啦!放了一會,冰也開始溶,吃時剛剛好,不會太硬!



原想著只是把生果串起雪凍應該沒什麼特別...但這樣吃原來感覺會開心很多!生果也很甜,如果是在炎夏應該是消暑佳品!


囡囡也吃得很開心,一枝棒3人同享感覺更甜!我們邊吃邊行,引得幾對外國遊客向我們行注目禮,吳爸爸更介紹他們去買來吃呢!



可能平常我們實在很少在街頭買小食邊行邊吃,所以今天在長洲掃街頭小食特別興奮!


長洲復活遊 ~ 美食篇 - 故鄉茶寮


時間來到差不多5時,午餐已經消化....是時候吃下午茶啦!


長洲也有不少特色小食


特別是前陣子蘇玉華的美食節目曾作介紹


嘩,幾多人排隊!


這裡集合了幾間小食店


所以人龍都有好幾條!


我首選是要一試這間「故鄉茶寮」的紅豆餅!


聽說是由一對日藉夫婦所開


除了紅豆餅


還有壽司手卷(但只有腸仔、蟹柳、蟹子3種選擇)



排了一會終於到我了!


就買一set 4件紅豆餅 ($15)



嘩,放上手已經感到熱辣辣!


應該是即叫即做的吧!



我們退到一旁吃


皮薄有蛋香


滿滿的紅豆蓉


甜度剛好


我覺得很好吃


實在是長洲必吃的小食



囡囡也很愛吃呢!


4個紅豆餅不消一會就給吃光光啦!



長洲復活遊 ~ 景點篇 - 關公忠義亭


吃完午飯還在下雨,雖然不是很大雨,但要抱著囡囡又要拿著雨傘也看不到什麼....走著走著就來到長洲市政大樓....於是我們就和囡囡去了圖書館看書順道避避雨!


我們一入圖書館就看到這個親子閱讀室,內有數架放滿童書的圖書車架....閱讀室內沒有人,大大聲說故事也不怕....


囡囡一口氣就看了7本圖書,我們見雨稍為停了便離開....想不到我們竟然山長水遠在長洲才上圖書館,哈哈!



其實長洲都有不少景點可供遊覽!最著名應該是張保仔洞,我也未曾去過呢!但吳爸爸卻說帶著囡囡不太方便行張保仔洞,看奇石嗎?又怕囡囡沒興趣.....結果什麼景點都沒有去,只去了一個叫「關公忠義亭」的地方!



這地方要行上半山,沿途沒什麼遊人,跟海傍大街的熱鬧很大對比!


但這段路程卻感受到長洲寧靜的一面!


加上特別清新的空氣,叫人心曠神怡!



囡囡也來享受一下新鮮空氣....


這裡雖然面積小


但環境清幽,拍點照吧!


因為還有點雨粉,所以父女都帶上帽子擋雨!


其實這裡在2,3月時會有很多遊人的!


因為有幾株櫻花樹!


那時候是花期,


很多人來賞櫻的!


但現在已經4月尾....櫻花都變成了果實!


幻想著這粒粒果實就是櫻花來....


我腦中浮現出很美的畫面!


地方雖普通


但能令人產生愉悅的心情


這是旅行最奇妙之處!


也是我愛旅行的原因!