2007年4月29日 星期日

檸檬芝士凍餅


今日老公約左佢班同事聚會,節目方案有幾個,最後老公話班同事決定唱K-lunch,之後上黎吳家玩Wii

同事問吳生:「吳太會唔會下廚煮幾味呀?」

吳生答:「唔會啦,叫外賣咪得lor~~」

因為老公覺得我一煮既話就停唔到,又唔想我煮得咁辛苦,所以佢就一口幫我拒絕左勒~~我見佢d同事開到聲,點都整少少野啦....最後我就同老公講整個蛋糕俾大家當下午茶

為左穩陣起見,我都係決定整呢個久違了的檸檬芝士凍餅...好在都無生疏...味道依然不錯

佢班同事好開心話終於試到傳說中吳太既廚藝勒...呵呵呵,有無咁誇張呀


2007年4月28日 星期六

褔袋禮物


今天沒有太遲起床,9時多就醒來了...因為我要去藝術中心參加一個beauty workshop

雖然我很懶打扮,不過骨子裡實在也是天生愛美的,難得有免費講座就去聽一聽吧~~

有星級化妝師Gary教化妝,歐陽妙芝做模特兒呢,之後有張玉珊來講纖體,有鐘麗淇示範瑜伽...

雖然是2小時的講座,不過也不覺得悶(可能講者係藝人就當近距離睇明星),而且也學到一點化妝技巧...而鐘麗淇的瑜伽示範也很精彩~~最經典的動作是她倒立著,還要用雙腿做出盆膝而坐的動作...大家能想像嗎

不過最重要就是離開時有褔袋禮物,一系列sofina的sample,還有bobbi brown的睫毛液呢...當然還有很多優惠劵呢...哈哈,好一個貪靚的c9


2007年4月27日 星期五

頭箍小玩意


啊,今年流行戴頭箍,我也想湊湊熱鬧戴一戴

還記得小學時也曾興了一段時間,我那時也跟著追捧,結果給同學說我的打扮是林海海裝(那時候歡樂今宵節目內林建明飾演的一個人物,特徵就是戴上一個粗頭箍,上面還有個大蝴蝶呢...大家有印象嗎)

自此之後也沒有再戴這種小飾物,今年流行也就來懷舊一番,平時看見十元一個也覺得貴了一點點,又沒有款式可言...今天在旺角給我看見一些三元一個的頭箍,也就忍不住選了兩個...不錯呢~~

回家戴上也覺得效果不俗,老公笑說好像少女了一點...啊,不是太好了嗎


2007年4月26日 星期四

白果腐竹糖水


呢期好多人都整甜品或者糖水,可能由細至大我屋企都唔興整甜品糖水,所以我都好懶係屋企整呢類甜點~~

唯獨白果腐竹糖水係我媽咪比較常弄的糖水,還記得小時候只要知道媽咪個日煲呢個糖水,我們三姊妹就會很高興而且十分期待呢

所以昨天不用煮飯就決定煲白果腐竹糖水,我整左一大兜,相信至少有2公升...應該能飲上幾天呢~~

雖然我還不能像媽媽一樣煲至腐竹完全溶化像豆漿一樣,不過也可接受了...如果有多點時間再煲,應該能達到媽媽的標準

味道當然不錯,而且雪了一晚很冰凍,透心涼呢


0426的晚餐 ~ 白汁鮮菇意粉配雞扒雞翼

呢幾日有個新任務令我將所有時間同心機都投入左落去...於是乎星期二只係求其叮左方便食物就算,而琴晚就俾99 call左去同佢食元祿壽司....見2日無點煮,今日就煮番d野啦...不過唔想食飯,所以又黎整意粉

今日無買菠菜,不過就買左日本既靈芝菇同鮮磨菇...就弄了這個白汁鮮菇意粉配雞翼同雞扒~~今日再整多d份量,終於可以留到飯盒啦



2007年4月23日 星期一

0423的晚餐 ~ 豉油皇炒蝦子麪


星期一又係上堂既日子,今晚既快捷晚餐係

豉油皇炒蝦子麪+juicy芝士腸

見炒開就炒多2個麪餅做飯盒呢~~又搞掂左一餐勒


2007年4月22日 星期日

0422的晚餐 ~ 青咖哩雞煲

琴日去完濕地公園有d攰,所以我今日都係留番係屋企休息下~~我見好多blog友都煮青咖哩,就連勞太都有份...所以我又想試下煮

都知咖哩汁好o岩撈飯食架啦,所以今晚決定一煲過,有肉有菜配白飯,唔使煮咁多野~~

本來想買甜紅椒等個餸多d對比顏色既,點知原來一舊紅椒就要十幾蚊...咁貴既,其實我又唔食既,都係唔買勒...加d紅紅地既火腿絲鋪面算勒,都係一樣o者

味道果然唔錯喎,送飯一流,易煮又好味,可以加入吳家menu喎~~



泡菜味紫菜


老公常常提起同事曾請他吃過一款泡菜味紫菜,好吃得不得了...不過每次行超市,就連taste,gourmet一類的也找不到~~

昨天在元朗廣場看到一個零食攤檔,看到老公找了很久的泡菜味紫菜,$12只得3小包...很貴啊~~

不過我還是買了給老公,回到家...老公不消1分鐘就幹掉了一包...我試了一塊,味道很不錯,濃濃的泡菜味~~大家見到的話,不妨買來試一試


義美蛋糕 ~ 黑炫瑞士卷


上星期係吉之島見到有台灣既義美蛋糕賣,除左極受歡迎既蜂蜜味之外...第一次見到呢款黑炫瑞士卷~~

老公見到好有興趣,於是就買一盒黎試下啦~

味道係香濃既朱古力味..都唔錯架


OMI防晒



其實一向都用開sofina既防晒既,不過真係好貴...二百幾蚊細細枝,真係幾肉痛~~

想搵d平價既防晒試下,搜集資料發現日本既OMI大眾化得黎,口碑都ok...係卓悅見到得番呢一枝,防敏感,SPF32,PA++...只係賣$48,就決定買一枝試下...如果好用既話就唔使次次都買咁貴既sofina勒~~


田中日本料理

去完濕地公園,我地就落番去元朗...問老公想食咩,老公話都係想去田中食壽司喎..咁好啦,我地就去田中食大大件既壽司啦~~

排左半個鐘(比板前個d快喎)就有位勒...雖然只係叫左加洲卷、玉子、腐皮、鰻魚同埋三文魚5款,不過d壽司實在太大件啦...我同老公都好飽...雖然佢限時食45分鐘,不過我地半個鐘就食完啦~~

呢餐盛惠$112,呢個價錢,呢個份量,呢個味道就引黎咁多人排隊食勒...次次入元朗都係食田中,我諗下次再去要試下d新食肆先得勒~~


香港濕地公園

之前既郊遊樂已經係3月中既時候,所以星期六又決定去一去郊外...最後老公話不如去濕地公園~

雖然公園旁已經係民居,不過由屋企出發既車程都接近一小時...我覺得去左一個好遠既地方...初時我以為門票係$20,原來係$30...都覺得幾貴,不過濕地面積都好大...我地行左好耐呢,都好似逗留左差唔多3小時呀~~

老公仲發現左好多小昆蟲:毛毛蟲、甲蟲、蜻蜓、招潮蟹、蝴蝶...觀鳥時又見到好多唔同既品種,仲有好多唔同既植物同花花...老公都幾鐘意呢個濕地公園,如果睇唔到旁邊既民居就perfect勒~~

而我就覺得館內既展覽館都做得好唔錯...有d都幾互動架...場內仲有大家樂喎,望住濕地既大家樂,幾有格調






八達通日日賞

有優惠又點少得我呢~~我張八達通既積分通常都係係惠康買野而儲既,一直都無用d積分,儲下儲下宜家都有成23分....之前都試過5分換到一張麥當當既10蚊劵,我個時都換左1張架...之後想再換多張已經換晒,跟住又無左呢個promote~~

等呀等,終於呢個至筍既優惠又出啦...琴日就去換左4張,可以俾老公有時用黎食晏用...yeah

呢個優惠真係幾抵架,大家快d check下有幾多分去換d美食劵啦~~


2007年4月20日 星期五

0420的晚餐 ~ 火腿粒粒炒飯


今日本來諗住番99度食飯既,所以無買餸...點知99瞓緊覺,咁我地都唔想整醒佢...所以留左一陣就走勒~~之不過又諗唔到去邊食喎...結果都係番左屋企~~

我醒起雪櫃有兜冷飯,所以就炒左佢啦...雖然簡簡單單,不過我都炒得幾乾身架...而且飯粒分明,有水準呢

真係好勒,又慳番一餐飯錢...話時話,我又破左紀錄,連續煮左6日既晚餐呢,我都覺得自己好抵錫,嘻嘻